Dosti

Dosti wo khubsurat rishta hai jisko nibhanay k lie sachay dil k jabzaat ki zarorat hoti hai dimagh ki nahi aur dost wo hota hai jo apni dosti nibhanay k sath sath apny dost ki majboriyon uski adat uski fitrat ko achi tarah smjhta ho ek zamana tha jab asal doston ki pehchan aram sy hujaiya karti thi koun apsay milnay arha hai koun ap ki kheriyat pouch raha hai koun apkay buray waqt main sath nibha raha hai koun apkay lie dusro sy larae kar raha hai usmain apko apni mohabbt bar bar batanay jatanayy ki zarorat nhe parti thi apko bar bar ehsas dilanay ki zarorat nhe hoti thi k ap usk lie kia ahmyt rakhtay hain apko bar bar usy tohfa dainay ki zarorat nh parti thi kay ap usy kitni mohabbat kartay hain apko usy ghr main bula kr dawat daynay ki zarorat nh hoti thi wo khud ajaya kartay thay wohe ginay chunay dost jinkay ghr walon say apk ghar walay bhe waqif hotay thay wohe sachay dost kehlatay thay.. jaisay jaisay waqt badala rasm o rewaj main bhe tabdeeli ai..har rishtay main tabdeeli mehsos honay lagi ab dost hazaron hain par koi ek aisa nh jisay apna kaha jai ab jigri dost bananay ka dur gaya kyun k ab koi aisa milta he nh.. shayad iski waja dekhawa ziada aur mohabbat kam hogae hai.. agr ap kisi ko mohabbat naa dekhai to usy lagta hai kay ap unsay mohabbat nh kartay unhe bar bar is bat ka yaqeen dilana k apki dosti mohabbat kitni sachi hai zarori hogaya hai kyun k ab social activities sirf social media tak mehdod ho kr reh gai hain agr ap sachay dost hain to apko is baat ko sabit krnay k lie apko social media pr is baat ko dekhana lazmi hai. Social media pr be-intiah mohabbat lutanay walay hazar dost asal zindagi main haal tak naa pouchnay walay hotay hain..  hum nay jigri dost banany k bajai hazaro ko chun lia hai hum kisi ek say rabta rakhnay k bajai sbsy rabta main rehna chahatay hain .achi baat hai sabsy rabta rakhna par har koi apka jigri dost neh ban sakta isi waja say aksar loug humain socialization karty to dekhai daytay hain par asal main wo tanha hotay hain.. apki social circle main aksar dost aisay hotay hain jo apki zindagi mai kia horha hai kyun horha hai kaisay horha hai to janay ki justaju rakhtay hain pr apsay baat kar k apka haal pouchnay tak ki zehmat nhe kartay..  humri naye nasal ko is baat ki smjhnay souchnay ki bht zarorat hai k akhair dost kehtay
Kisay hain aur dosti nibhai kaisay jati hai ? Ek zara si thokar par dosti torny k bajai ek dusray say maffi aur jorna kaisay jata hai apk asaal dost koun hotay hain unki kie pehchan hoti hai?
-sacha dost kbhi apki kamiyabi sy jalayga nahe balkay apki kamiyabi ki waja hoga
-sacha dost apki ankhon main anso nhe dekh sakta wo sab say lar jata hai par apkay sath wo roya zarore hoga
-sacha dost apki zarorat apki baat ko bina kehay smjh jaiga wo apko bina banai apka is tarah khayal rakhyga k apko mehsos nhe hog
Insan har stage pr naye naye dost banata hai jab bachpan ki baat ati hai to sabsy pehlay uskay dost uski school life main bantay hain jinhonay usk sth uska bachpan guzara hota hai jo uski har ek adat fitrat raawayi say waqif hotay hain bachpan main apna lunch box bas bachay usi kay sth share krna pasand kartay hain jinhe wo apna sachay dil sy dost mantay hain kyun k wo us waqt na-smjh par dil k sachay hotay hain school ki dosti 13 saal ki dosti hoti hai intihai mazbot jab school ko alvida kertay hai to ata hai college kay do saal shuru hotay hain jin main koi khas dost nh bantay college k baad university life shuru hoti hain ismain 4 saal sath guzarnay walay dost kabhi apki life line ban jatay to kbhi ap kisi ek dost main koi jigri dost talash krlaytay hain to kabhi apko koi aisa nhe milta jisko ap apna dost keh sakay.. kyun k is age main akar kafi had tak insan mature hujata hai.par yah 4 saal apko bht kuch sikha zarore daytay hain apko dost achay milay to khubusrat aur yadgaar bana daytay hain..
Tohfay dainay say mohabbat zarore bharti hai dilo main par mohabbat agr sirf tohfa dainay sy sabit hoti hai to yah dosti k rishtay main mohabbat nahi ek samjhota hai jisko loug mehagay say mehaga tohfa daykar kartay hain..

Pehlay kay zamana main haath say likhay chand alfaz bhe bht dil say aur ahmiyat rakhtay thay par ab alfaz ki ab koi qadar naa rahi kyun k wo har ek dusray dost k lie aada horhay hotay hain.. insan apnay jazbat ka izhar karna bhulata jaraha hai wo zubani to dost kehta hai par uska amal wo nhe hota. Iskay elwa insan kay kahin aisay dost hotay hain jo uski zindagi main atay hain van main to koi tuition/ coachings to koi gali mehalon main bantay hain.. kabhi kabhi insan in doston main apna sacha dost bhe talash karlyta hai..woh bhe kia khubsurat din thay jab gali mehalon parks main dost atay aur mukhtalif qism kay khel kehla kartay.. sath hansi khushi cycle chalaya kartay to kabi kabi chutiyon main raat raat bhar racket khela krtay aur larae kartay to samnay kartay kisi k lie dil main nafrat nh rakhtay...par ab un kheelon ka dur chala gaya ab sab kay hath mai mobile aur dosti ek like chand comments aur pictures tak mehdod hogae shayad ab anay wali nasalain 1990's ka wo maza ab nh lay saktin.

Dosti aur Judai 
Jab sachi dosti ka koi rishta tota hai to insan ko ander sy tor kr khokla bana dayta hai chahy usmain qasor kisi aur ka ho par insan sari umer khud ko khusta rehta hai woh us dost ko wapis bhe pana chahay to aksar woh paa to layta hai par wo rishta phr kabhi pehlay jaisa nhe rehta jo hua karta tha. Dil main ek bar halki si khalish par jai to phr wo sari zindagi rehti hai insan bas un khubsurat yaado k zariyae jee sakta hai par un yaadon ko phr say nahe jee sakta.
Imam Ali a.s ka Qoul hai  "Bhai sonay ki tarah hota hai agr usmain darar par jai usy pigla kr wapis waisa banaya ja sakta hai par dost heeray ki tarah hota hai ek bar daraar par jai to wapis waisa nhe banta."
Yah baat haqiqat hai par choti choti baaton par insan ka kisi rishtay ko tor daina aur maffi naa mangna bhe galat hai. Insan agr apni aana kay sath chalna chahat hai to wo rishto ko sath lay kr kabhi nh chal sakta usmain jhukao lazmi hai usmain ek dusray ki galation par maaf karna aur maffi manga lazmi hai.
""Jhukta wohe hai jismain Jaan ho Akarna to murdon ki pehchan hai"
Imam Ali a.s

insan ko kabhi kisi rishtay ko khud sy azmana nh chahye kyun k aksar loug azmatay azmatay usy khoo daytay hain waqt khud he rishton ko azmata hai par usi waqt insan ko apnay aur parae ki asal pehchan karwa dayta hai.. mery nazariya main insan jaisay jaisay social networks par active hota ja raha hai wo asal rishto ki qadar ahmyt aur pehchan khoota chala jaraha hai mohabbat khushiyan gham bantay say bharti hain ek dusray ka dard smjhnay unsay baat kr k usay smjhnay say bharti hain.. naa kay un tohfo say jo qeemat main to ziada ho par un main mohabbat majood naa ho.. !
"-hoskta hai tmhra dost tmsay jhut bolay jo uski majbori ho  par tm us wafa karnay walay dost ko khoo baitho."
IMAM Ali
"Aksar wafa karnay walay dost ghareeb hotay hain" Imam Ali
Kabhi kabhi itna majbor hota hai kay wo nachahatay hui bhe apny doston say jhut keh dayta hai kyun kay usky peechay uski koi waja ya majbori hoti hai par jab uskinsachai samnay ati hai to loug usko jhoota keh kr chorr dayta hai  bina baat janay uski majbori janay..wo wafa karna chahata hai par wafa nah kar pata..aur kabhi kabhi humra dost kisi majbori ki waja say apni izzat e nafs  ko rakhtay hui khamosh rehta hai kuch nhe kehta.. humnay aksar dekha hai kay aj kal kay door main dost get together kartay hain par kuch loug nh aa patay unki lahin majbori hoti hain.. kahin bar unkay maali halaat behtar nhe hotay par hum unki majbori bina janay unsay naraz hojatay hain.. yah janay bina k unkay ghar main kia maslay chal rahay hain wo kis dur dard sy guzar rahay hain hum unsay apna rishta tor dytay hain.

- Agr tmhri kamzori dosti hai to tm duniya k sabsy taqqatwar insan ho
Imam Ali a.s
Insan ko kbhi dosti is qadar tor dayti hai k waqt kay sth usy mazbot insan bana dayti hai to kabhi sacha dost ek kamzor insan k peechay us mazbot reedhr ki hadi ki tarah hota hai jo uskay kharay rehnay ki waja hota hai. Jiski usy br br zarorat hoti hai jo usy hosla dayta hai jo uski himat ki wja hota hain aisay dost bht kam aur qismat walo ko miltay hain agr tmhe aisa koi milay to ussy thaam laina aur kabhi khud sy alag naa honay daina...!

Likhari (writer)

Kehtay hain har insan ka apna apna likhnay aur parhnay ka shouq hota hai jo uska taste uski shakhsiyat uski baaton say zahir hota hai
Har insan ko alag alag khanay pakanay alag alag movie dekhna alag alag jewelry alag alag kapray wagera laynay ka shouq hota hai jo woh apnay mazaj k muqabiq pasand karta hai bilkul isi tarah har ek likhari ki bhe koi khasiyat ya pasand hoti hai jis par wo naa sirf acha balkay uska maza lay kr likhta hai maazi main bht say likhari guzaray hain jo apni koi naa koi khasiyat ki waja say mahsor thay unkay likhnay ka tareeqa unkay alfaz unka lehja unka andaz jis ki bina par woh mashray main apna naam aur jaga bana sakay koi shaiyar ban gaya koi afsana nigar ban gaya kisi nay novel nigari ki. sab main koi na koi khasosiyat majod thi jiski waja say wo naam kama paai par unhonay apni us khusosiyat ko duniya kay samnay dekhaya.. chupaya nhe koi bhe likhari us waqt tak ek kamiyab likhari nahi ban sakta jab tak woh likhtay waqt hazar baar souchay kay uski tahreer likhnay pr duniya us k baray main kia souchay gi uskay kirdaar par ugli uthai gi likhari to mashray ka woh doctor hota hai jo sirf apny alfaz sy insan ki rooh tak to theek kardaynay ka hunur janta hai likhari koi aam insan nhe hota agr wo apni ahmiyat naa jaan pae to sari zindagi duniya bhe usko koi ahmyt nhe dayti usko khud main chupi khubi ko nikal kr khud ko manwana parta hai apny ander chupay darr ko bahar nikal phainka parta hai aisay bht say loug hain jo bht acha likhtay hain par duniya kay darr sy usko manzar e aam par nhe laatay wo dartay hain k duniya unk baray main kia souchay gi kahin unka mazaq naa bana dia jai kahin un par shak kar k uski zaat par ugli naa uthai jai..maazi main bht sy likhari guzaray jinhonay bht si kitabain likhin aur mashoor bhe hui par un main say chand ka zikar karti chalogi sab say pehaly us adeeb ka zikar jin par bht tanqeeed hui muqadamy chalay unki zindagi main unki qadar naa ki gaye par unkay martay he unki zindagi par film banai gae kyun kay insan k janay k baad he uski qadar ki jati hai

Saadat Hassan Manto

Yah woh Manto hai jisnay 11 may 1913 ko Hindustan main ankh khuli manto apni afsana nigari ki waja say mashor thay unki afsana nigari main taqseem e Hind say lay kar mashray main paae janay wali un tamam buriyon par tanqeed milti hai Jis tanqeed par unhe tanqeed ka samna karna para
"Humra mashra aurat ko koohta chalany ki ejazat to dayta hai par tanga chalanay ki nhe."

Manto ki agr main is baat main ek baat add karti chalo to shayad aj kal k dur main ya sach hoga ek mashra aurat ko khoota chalanay ki ejazat to dayta hai par qalam chalany ki nahi
Yahan qalam sy murad  taleem nahi balkay yahan ek Likhari ki baat horhi hai kitni he Female writers hain jo sirf is darr say samnay nhe ati k unk baray main unk kirdaar k baray main loug kia kehaygay kyun k mard to kuch bhe likhay wo ek bar tanqeed seh layta hai yah phir usko yah keh kr taal dia jata hai wo to mard hai uska to peesha hai par aurat ek aurat par das qism kay ilzamat laga kr uski kirdar kashi ki jati hai wo bas is dar sy qalam utha kr nh likhti kay kahin uski likhai ko duniya us pr guzari abbiti naa smjh lain aur apni souch sy uski souch ko us par guzri kahani smjh kar usko sawalat k khatarey main laa kr khara kar dai usy uskay kirdar ki daleelain mangay aur jab usk pas apni saafai main pesh karnay k koi sabot naa hu to usko saza day dain afsos sad afsos aksar ek aurt ko saza dayny wli ek aurat he hoti hai
"Main is mashray ki haqiqat likhta hon main uskay kia kapray utaro jis nay khud he kapray naa pehanay ho"
Manto kay in mashor lafzon say zahir hota hai k woh mashray ki haqiqat apny qalam sy kaghaz pr utarta thay jis par unhe bht ziada tanqeed ka samna bhe karna para main manto ki is baat say puri tarah sehmat hon jab insan ko uska aaina dekhaya jai to wo khud main chupi burai ko dekh kr tasleem karnay k bajai us par us insan ki kirdar kashi ya tanqeed ka nishana banata hai jis nay usko aaina dekhaya Manto nay mashray ko uski haqiqat dekhai
Par ankhain rakhnay walon nay usko fahashi keh kr apni ankhain band karlin lakin unhe ankhon nay manto ki zaat ko dekha to naa sirf unhe fahashi phelanay wala kaha gaya balkay tanqeed bhe ki. Jab ek mashra kisi likhari par pabandi laga kr usy haqiqat likhnay say rukay to phr us mashray ka yahe haal hota hai kay naa koi usmain sudhaar ata hai balkay woh kharabi ki janib bharta he chala jata hai.

Shaiyari 
Kehtay hain shairyi insan k jazbat kay izhar ka zariya hai jo woh kisi gham main kehta hai bohat say logo ko shaiyri likhnay ka shouq hota hai aur buht so ko shaiyri parhnay ka kehtay hain insan jo baat seedhay mauh nhe keh pata wo shaiyri k zariye keh dyta hai par us main chupi baat ko smjhna us gehrai ko smjhna hr kisi ki bas ki baat nahi hoti shaiyri bhe ek hunur hai jo insan kisi bhe mozu par karskta hai aksar loug bht achay ashaar likhtay hain par unhe manzar e aam par laana nhe chahaty k kahin unhe laila/ majno ka laqab naa mil jai maazi main bht say shair aisay guzaray jinhonay shaiyri ki bht si kitaabain likhin..Galib meer dard meer taqi parveen shakir mohsin naqvi yah wo mashor shaiyr hain jinkay alfaz main gham o dard ki lehar paai jati hai isk elwa awam main josh o walwala paida karnay walay logo main apny watan k lie jazba jagany walay b guzray hain jin main baray naam Habib jalib faiz ahmed faiz shamil hain.Alama Iqbal ek Philosopher honay k sath sath ek Shaiyr bhe thay. Wohe baat insan Likhta to bht kuch hai par wo apni likhai main chupi usk andaz aur usk alfaz k chunao say ziada naam kamata hai..uska apna ek andaz souch hoti hai jo logo ko mutasir karti hai ek likhari mashray ki Maa hota hai jo uski apnay alfaz say tarbiyat karta hai naa uski tarbiyat main ahim kirdaar ada karta hai balkay uski khamiyaon aur khobiyon main farq smjha kr usy apni tahreeron say sudharnay ki koshish karta hai ek acha likhari wohe hai jis say iskay qalam say aisay alfaz nikalain jo mashray k afraad ki isliha ka bais banay.

Khawateen novel writers 
Fatima suraiya bajiya Farhat ishtiaq umera ahmed nimra ahmed maazi main bht si khaawateen writers aisi guzari hain jinhonay apni zindagi Likhai par sarf kardi ek likhari apny ird gird kay mahool aur jis dur main wo raha hai jin say guzra hai aur uski ankhon ny dekha hai aksar wohe uski tehreeron ka hissa banti hain har likhari apny durr kay hisab say kin cheezo ko likhnay ki zarorat hai unhe mehsos kar k tehreeron main likhta hai
Agr hum is dur ki baat kare apni is nasal (generation ) ki baat karain to js main mehromi aur kam-umeri mai bacho ka relationships(mehram aur namehram main farq) main ana hai jiski zarorat ko smjhtay huway humain is hawaly sy Nimra ahmed kay novels main mauzu dekhai daytay hain jsmain unkay bht mashorr novel jannat kay pattay hai jismain unhonay aurat k parday ko jannat k patto sy tashbee di hai unkay novels main Qurani Ayat aur uski wazahat aur suspense majood hota hai.isi tarah umera ahmed kay novels main aurat rishton ki ahmyt aur ishq e haqiq ka rang dekhai dayta hai Umera ahmed kay bht say novels ko drama ki shakal di gae jismain Lahasil Zindagi gulzar hai nay naazreen k dil jeetay balkay sarhad par bharat main bhe khub daad samiti farhat istiaq ko Romani Novel nigar kaha jata hai unkay mashoor novel Humsafar diya e dil jis par drama banaya gayae  unhonay awam main kafi maqboliyat pae abhi haal main he unka ek drama Udari jismain child abuse mauzu tha usay naazreen say bht paziraai mili. Ek acha likhari wohe hai jo Mashray main honay wali kharabiyon ko mehsos kar k apny qalam say usy kaghaz pr utaray aur is tarah say likhay kay parhnay wala usko parhtay waqt is tarah meshso karen k usy us par guzari kahani lagay ya uski ankhon dekha manzar lagay..
Jab bhe koi likhari qalam uthata hai to us par ek zimadari aaiyad hoti hai kay woh us ko bakhubi nibhatay hui waqt ki zarorat ko maad e nazar rakh kr apni tehreer main woh baaatain likhay jis say uskay Likhari honay ka haq ada ho sakay agr wo haqiqat ko likhna chahta hai pr us par kisi qism ka dabao majood hai to is baat ka

Usy apny ander sy duniya ka dar nikal phainkna paray ga loug kiya kehaygay is souch ko souchna chorna parega warna kamiyabi kabhi hasil nhe hoskti.. bht say loug ap par tanqeed karen gay par ap kia hai wo ap jantay hain..  bht sy loug sirf isi waja say nhe likhtay k unhe logo ki souch ki parwah hoti hai pr wo yah baat bhul jata hain loug wohe souchtay hain jaisi unki souch hoti hai par wohe mantay hain wohe dekhtay hain jo ap unhe dekhatay hain .humaray nojawan likhariyon ko is baat ko smjhnay ki khas zarorat hai k zindagi main kamiyab honay k lie tanqeed ka bar bar samna karna parta hai loug ap par pattar barasai gay par ap nay un pattaro ka jawab eeth sy nhe daina ap nay apna jawab apny qalam apni salahiyat say daina hai.. ab ya ap hai kay ap Duniya ki baaton ko souch kr peechay rehna pasand karegay ya phir apni manzil par pouhachna....?

zindagi loug aur ishq e haqiqi.

Zindagi log ehsas ishq e majazi  aur phr ishq e haqiqi
In sab ki baat karen to in sab ka buht gehra taluq hai apas main yah meri nazar main ek life cycle hai jo kabhi na kabhi har insan ki zindagi main hoti ha yani insan zarore is cyle sy guzarta hai yah woh cheezain hain jo insan ko zindagi ka maza aur dard dono he dayti hain chahay wo koi bhe kisi bhe rishtay ki surat main ho main nay zindagi ko buht qareeb sy jannay ki koshish ki aur humesha ek he zindagi ka maqsid jana jo main agay jaa ker bayan karogi.
agr hum sab say pehlay logo ki baat kare jo humari zindagi mai atay hain kia kabhi soucha hai loug humari zindagi main kyun atay hain jinhe ek din jana he hota hai ? Main nay soucha to mje ek jawab mila logo bhe us samander ki lehar ki tarah hotay hain jo kabhi taizi sy samander kay kiranay ati ha to kabhi dheeray say ati hai kabhi ouchi hoti hai to kabhi neechi kabhi shoor machati ati hai to kabhi khamoshi say ati hai par jis tarah ati hai usi tarah jati hai uski koi bhe noiyat ho wo usi noiyat sy wapis jati hai kabhi logo ko dooba dayti hai to kabhi loug samader k kiranay par tanha he kharay reh jatay hain bilkul isi tarah loug bhe humri zindagi main atay hain kabhi thoray waqt kay lie to kabhi taveeel arsay k lie lakin unhe jana lazmi hota hai wo waisy he jatay hai jaisa apki zindagi main ai thay par jatay waqt apko us samader kay kiranay par tanha chore jatay hai ya phr apnay sath lay jatay hain ya phr ap sari zindagi un logo ki yaadon main doobay he reh jatay hain yahan logo k sath jany ka maqsid jismani nhe balkay rooh ka hona hai zindagi aur logo ka apas mai bht gehra taluq hai kyun kay "zinda-dagi"; yani zinda logo kay sath guzarnay wala safar yah safar bazahir to bara lagta hai par hota chota hai is safar main chaltay chaltay koi thak sa jata hai to koi thakawat kay bawajud uff tak nhe karta zindagi kay baray main likhon to shayad puri zindagi likhtay likhtay guzar jai kyun kay zindagi main insan wohe sab kuch likhta hai jo wo waqt kay sath sath seekhta aur janta hai zindagi logo kay sath he chalti aur unhe kay sath he khatam hoti hai jab insan paida hota apni ankhain duniya main khulta  hai to loug uskay ird gird jama hotay hain aur jab zindagi kay safar main hota hai to tab bhe loug usk ird gird majod hoty hain pr humesha nhe rehtay aur kbhi kbhi majod hotay huway bhe unki majodgi na honay k barabar hoti hai jaisay unka wajud to ho par wo apk sath majod nhe ho jab apko unki zarorat ho to wo mau phir laytay hain jab ap unhe pukaray to kaan band karlayty hain jab ap ro rahay ho to wo nabina hujatay hain jab apko unka sath chaye ho to wo mazor ban jatay hain aur phir akhair main jab apki ankhain band hoti hain to wo loug apkay sath apkay us jism ko kandha dyny ajatay hain jismain jan nh hoti jinhony apna hath barha kar sath nhe nibhaya ap par ronay ajatay hain jinhonay apki zindagi main anso nhe pouchay apki baatain karnay lag jatay hain jinhonay apka dard nhe suna yani paida honay say mout tak loug apkay sath rehtay hain par kbhi apnay ban kr kbhi beganay ban kar pr ek na ek din in logo ko zindagi sy jana he parta hai koi bhe insan kisi ki zindagi main therta nhto  zindagi aur logo ka apas main yahe ek gehra taluq hai kay lougo ki zindagi apas main taluq banatay tortay guzar jaati hai
Ab ajai ehsas jazbat yah wo cheezain hain jo sirf mehsos ki jaskti hain ya dekhai daynay wali nhe hain insan ashraf ul makhloqaat hai usmain yah khubi hai wo har ehsas ko mehsos karsakta hai us main jazbat pai jatay hain chahay wo mohabbat k ho ya phr nafart kay koi bhe insan agr kisi say dil ka rishta banata hai to wo pehlay usk dil main kisi k lie jazbat paida hotay hain aur usy ehsas hota hai phir wo us ehsas ko mehsos karta hai jab ja kar wo kisi sy dil ka rishta banata hai aur usk dil main kisi k lie jazbat paida hotay hain wo usy mohabbat ka naam daynay lagta hai jisy hum ishq e majazi kehtay hain

Ishq e majazi yani insani mohabbat ishq e majazi ki buht si tareefain hogi par meray nazdeek ishq e majazi insan ko dard iziyat zillat ruswai aur tanhai k siwa kuch bhe nhe dayta aur agr khushiyan dayta bhe hai to wo ek humsafar(husband/wife) k roop main par kabi wo humsafar bhe apko takleef dayta hai kher hum yahan life cycle ki baat karhay hain to jab insan ki zindagi main loug atay hain phr jazbat paida hotay jisay hum mohabbat ishq ka naam daytay hain to yahe wo point hota hai jahan insan akar zero ban jata hai wo ek nuqta he ban kr reh jata hai ishq e majazi yohi kisi say chaltay phirtay nhe hu jata chaltay phirnay wali dillagi ko main ishq nhe smjhti yah sirf kuch dino ki dillagi hoti hai jo kuch saal ya mahino kay sath ikhtimam pazeer hujati hai ishq to hota hai jo achay bhalay insan ko ujaar dayta hai insan par is tarah lagta hai jaisay lakri par deemak aur phr usy he khaa jata hai ishq insan ko kabhi kabhi itna bebas bana dayta hai k wo fakeeron ki tarah apni mohabbat sy bheek mangnay pr majbor hujata hai wo us say ek bar mohabbat nhe chahata wo us insan ko chahata hai jisy wo mohabbat karta hai yahi wo jaga stage hoti hai jab insan insan kay agay mohabbat ki bheek mangtay mangtay apny Rab ki bargaaha main hazir hujata hai wo thaak jata hai apni mohabbat k agay hath pehla kar uskay agay girgira kr uskay agay apny anso dekha kr par uski mohabbat us waqt nabina googi aur mazoor ban jati hai jo us par zara bhe reham nhe khaati insan kbhi kbhi ishq e mazaji main khud ko is qadar barbad kar layta hai k usko abad hotay hotay kahin saal lag jatay hain ya phr us banjaar zameen jaisay insan ko koi basanay ki koshish bhe kare to wo abad nhe ho pata wo khushaal nhe ban pata par sirf ek zaat ek zaat usy abad kardti hai agr wo khud say hona chahay to wo jab apny Rab kay agay haath pehalata hai apnay Rab kay agay girgarta hai usi kay agay apnay anso dikhata hai to isi doraan wo apny Rab ki mohabbat main shiddat k sath Girftaar hojata hai aur mazbot rishta bana layta hai jisay hum Isha e Haqiqi kehtay hain 

Ishq e Haqiqi insan ko wo sukoon rahat dayti hai jiska insan kabi tasavur nhe karskta Ishq e Haqiqi say murad naa sirf Ibadat karna hai apny Rab ki Balkay Insanon say yani apny Rab kay bando sy bhe mohabbat karna hai ishq e Haqiqi ka har gaiz yah matlab nhe k insan Rab ki ibadat usay mohabbat karen balkay apny Rab Ki mohabbat main wo logo say mohabbat hamdardi madad kare unhe is bat ka ehsas dilai k wo tanha nhe unk sath unka Rab bhe hai aur usk Rab k banday bhe hain jo uska dard smjhtay dekhtay suntay aur mehsos kartay hai. KHALIQ TAK POUCHNAY KA RAASTA KHALIQ KI MAKHLOQ SY MOHABBAT HAI IMAM ZAIN Ul ABIDEEN A.S kuch log yah smjhtay hain k ishq e haqiqi duniya say mur phir lainay aur har waqt apny Rab ki ibadat ka naam hai nhe ishq e Haqiqi Apny Rab sy Rabtay main rehtay huwy uski Makhloq ki madad mohabbat aur hamdardi ka naam hai han duniya sy mau phir lainay ka matlab duniya ki aram o aasaih aur kisi say bhe koi tawakul koi bhe umeed nhe laganay ko kehtay hain par iska mtlb yah nh k ap logon say mohabbat karna chore dain mohabbt kare par apny Rab ki khatir par Deen o duniya ko sath lay kr chalna aur Apny Rab ki raza main Razi hona meri nazar main ishq e haqiqi kehlaata hai aur shayad yahe zindagi ka maqsid bhe hai jisko mai nay kahin bar dhoodnay ki smjhnay ki koshish ki par mujhay humesha yahe ek jawab mila kay Rab say Mohabbat duniya ko Ibadat kar k dekhai nh jati Rab say Mohabbat duniya ko Allah ki Makhloq say mohabbat kar kay khud ba khud nazar ajati hai phr insan apny Rab ki marzi main he usk pasandeda Logon say mohabbat kar k izzat mohabbat sukoo  aur khushi paata hai jisay main ishq e majazi nhe ishq e Haqiqi smjhti hon
Logo ka tumsay umeedon ka wabasta hona ek naimat hai  Imam Jaffar Sadiq A.s 

Zindagi loug ishq e majazi phr akhair main ishq e haqiqi yahi life cyle ha

Agr apkay pas loug apny dard dukh aur is yaqeen say atay hain k ap unki madad kar k dard dukh bant kar unhe mohabbat day kr chand alfaz keh kr unhain khush aur talasi day saktay hain to yaqeen janay Allah ka ap par bht laram hai k jisnay apko apni Makhloq ki khidmat aur mohabbat k lie apko muntakhib kia

Khatam shud

mohabbat

"Mohabbat."
Kehtay hain jab insan kisi phool ko pasand karta hai to wo usy tor dayta hai chahay wo totnay k bad murjah kyun naa jai par jab us say mohabbat karta ha to roz usko pani daalta hai kay kahin kharab na hujai uska khayal rakhta hai mohabbat aur pasand ko loug aksar samjh nahe paatay usmai farq nahi kar paatay woh pasand ko he mohabbat samjh laytay hain mohabbat ka dawa to har koi karta hai par usko nibhana har koi nahi janta
Humain kisi ka andaz uski koi aisi baat pasand ajati hai kay hum bas usay he panay ki zid kar baithay hain uski koi aisi khubi jo uski sab khamiyon par bhari par jati hai aur uskay siwa kuch dekhai nh dayta par jaisi he humari zid puri hujati hai aur hum usy hasil karlayty hain to uski qadar karna chor dytay hain aur uski qeemat khatam hoti chali jati hai bilkul jaisy koi naya suit kharedna aur waqt kay sath sath uska puranay hotay he usko phaink dayn
Apni khuwaishat ki khatir kisi ko chahana mohabbat nhe pasand keh layti hai bohat say loug mohabbat aur pasand main farq nahi kar paatay
Par mohabbat woh jazba hai jis main ap khud to takleef dard bardasht kar laytay hain par jis insan say ap mohabbat kartay hain usy nhe day patay . par mohabbat insan ko dard zarore dayti hai rulati hai tarapti hai insan ko zinda hotay huway bhe zinda nahi rehnay dayti wo jeeta hai pr jee nahi pata mohabbat k bina wo saans layta hai par uska jism kisi mitti k dhaair ki tarah ban chuka hota hai wo ek putlay ki tarah ban jata hai jis main jaan nhe hoti
Mohabbat insan ko aisay aisay kaam karwa dayti hai jis ka usnay khud bhe tasavur nhe kia hota kyun kay mohabbat ek jazba kay sath sath insan ka janoon hoti hai jo usko janooni bana dayti hai woh mohabbat ki khatir khud ko aziyat bhe day dayta hai aur kabhi kabhi un logon ko bhe jo us insan sy joray ho kyun kay mohabbat ek insan say jor to dayti hai par wahin kahin insanon say durr bhe kardayti hai  jab insan ko mohabbat hoti hai to uskay parr lag jatay hain wo khud ko mohabbat ki buland tareen sata par dekhna shuru kardayta hai aur koshish karta hai wo har us maqam par pouch jai jahan uski mohabbat jati ho wo us parinday ki tarah ouchi uraan bharnay lagta hai jis kay naaye naye parr atay hain aur abhi wo urna he seekta hai kabhi girta hai kabi sambhalta hai ek waqt ata hai k wo ouchi uraan barhny lgta hai uska luft laynay lagta hai lakin wo urtay waqt is baat ko bhul jata hai kay asmaan par khali wohe nhe urha kartay wo bhul jata hai asmaan par ek aisi dur bhe hoti hai jo usky par kant kr usko zakhmi aur mar sakti hai wo apni mohabbat apni khushi mai is qadar maagan hota hai k us dur ko dekh he nh pata aur jab urtay waqt usk par kat jai to wo kahin ka nhe rehta naa asmaan ki bulandi par naa zameen par woh usi ouchi sy zakhmi hotay hua neechay zameen par to ata hai par ya uski qismat hoti hai kay wo gir ker mar jai ya phr zinda reh kr tarapta rehay aur sari zindagi khud ko kosta rehay kay usnay itni uchi uraan barhi he kyun k jis nay usay is qadar nuqsan pouchaya bilkul isi tarah mohabbat bhe insan ka haal kuch yohi kerti hai pehlay pehlay buht khubsurat haseen aur dilkash lagti hai par jaisy jaisay insan mohabbat ki us buland tareen manzil par pouchata hai jahan wo khud ko mohabbat mai kamiyab tasavur krnay lagta hai bas usi manzil par akar agr mohabbat usy dhooka day jai to wo isi tarah girta hai kay wo kahin ka nahe rehta na wo mohabbat ko hasil kar pta hai naa mohabbat usy apna bana pati hai usy mohabbat kay sath rehnay ki adat jeenay nhe dayti woh mohabbat ki tarap mai tarapta rehta hai aur chahatay huway bhe usy hasil nhe kar pata wo khud ko kahin khoo dayta hai phir naa usay mohabbat milti hai naa he wo khud ko dhoond pata hai wo mohabbat kay us veeran jungle main kahin khoo jata hai jahan uski mulaqat tanhai yaadon us par hansti uska mazaq urahti lakiroon nafrat kay dangal anso say hota hai yah wo jungle hai jahan say wapis anay ka raasta bht kam loug dhoond patay hai aur buht say dhoontna he nhe chahtay woh wahin rehna chahatay hainwo insan is tarah gum hota ha.
wo insan is tarah gum hota hai k usy samnay baithay dusray insanon sy miltay huway bhe khud ko tanha pata hai Is jungle tak janay ka raasta sirf mohabbat he batati hai par wo bhe jab tab apki mohabbat kahin khoo jai aur phir kabhi apko nahe milay mohabbat apsay durr jaatay waqt apko us veeran jungle main chorr jati hai jiska apko wahim o gumaan mai bhe nahi hota wahan sukkay huway pattaon murjah huway phoolon  rengtay keeron aur daldal kay siwa kuch bhe nhe hota usy us insan ki yaadain un sukkon patton main dekhai daynay lagti hai wo murjhai huwi phoolon ko dekh kr hansi khushi main bitai muskuratay chehron ko yaad karta hai us insan ki kami usy reengtain keeron ki tarah kanti hai aur woh dard e tanhai kay daldal main dhansta he chala jata hai<
Kehtay hain mohabbat insan ko mazbot banati hai theek he to kehatay hain pehlay khushi banti hai phir uski adat insan ki kamzori banti hai phir wohe kamzori dheeray dheeray usy zakhm daynay lagti hai insan kahin bar zakhmi hota hai bar bar hota hai par ek waqt ata hai k woh zakham bharany lagtay hain aur  jab insan k zakham bhar jai to wo mazbot ban jata hai phir usy koi duniya ki taqqat kamzor nhe bana sakti woh pehlay jo mohabbat main khaak ban gaya tha wo usi buland tareen sata par akar jo gira tha wo phir sy to us bulandi tak janay sy darta hai par wo gussay badlay main usi buland manzil ki tarah bannay ki koshish karta hai aur khaak sy pahar ki shakala ikhitar kar jata hai mazbot
 Aur buland par jis par charna mushkil hota hai bilkul isi tarah us pahar jaisay insan ka phr sy mohabbat mushkil hojata hai loug atay hain koshish kartay hain us pahar par apna ghar basai par us pr rehna asaan nhe hota aur agr ghr basa bhe lain to jab woh wahan basay logon ko takleef dina shuru krdyta hai zalzalay ki surat main to kabi atish fiza ki surat main lougon ko usky ander jalti hui aag dekhai dayti hai par woh yah dekh nh patay kay aksar heeray jawaharaat bhe unhe chaatano jaisy insanon sy miltay hain jinhe logon naay sirf khud garz nuqsaan pouchanay wala dard dainy wala smjh liya hota hai wo bhul jatay hai k us chatan jaisay dekhai dainay walay insan kay ander ek narm dil insan chupa hai jo koi bhe nhe pehchan pata lakin ek heeray ki pehchan johri ko he hoti hai wo pechan kar us insan ko paa layta hai aur jisy duniya pattar dil insan smjhti hai usy duniya k samnay lay kar akar ata hai to duniya us insan ko heera dekh kr hairaan reh jati hai. Mohabbat insan ko pehlay kaak krti hai phr mazbot chataan banati hai aur phr usi mazbot chaatan sy chupa ek heera nikalta hai jissay duniya mamoli pattar smjh layti hai aur jab wohe heera apni mohabbat kay samnay ata hai to mohabbat us heeray ko wapis paana chahati hai wo ussy phr sy hasil karna chahti hai lakin wo heera ab mohabbat kay dam nhe bika karta wo us jorhi ka qarz dar hojata hai jisnay usy pechana aur duniya kay samnay mutarif krwaya wo us ka ehsan mand hujata hai wo mohabbat kay qareeb bhe jana pasand nhe karta usy mohabbat sy hasil ki janay wali cheezain buri lagnay lagti hai agr mohabbat ussay chori karnay ki koshish bhe kare to woh cheek cheekh kr kehta hai kay mje mohabbat say nafrat hai mohabbat naa us heeray ko chura pati hai aur duniya kay samnay benaqab hujati hai yah wohe mohabbat thi kay jisnay us heeray jaisay insan ko mushkil wqat main chor dia tha aur jb wo heeray jaisa insan shoharat ki bulandi tak pouch gaya to apna haq jatatay huway usy wapis panay agayae wo mohabbat jisnay usy zaleel o ruswa kia usy tab chora jab usy sabsy zaida mohabbat ki zarorat thi wo tarapta reha pr wo lout kr nahi par ab ai jab wo duniya kay samnay heera ban kr pesh huchuka hai to wo heeray jaisay insan phir kabi mohabbat kay daaam nhe bikta
Khud ko kabhi dekhna agr tm pehlay kisi insan ki mohabbat k agay bik gaye thay pr ab kisi kay agay bik nhe saktay to tm bhe wohe heera ban chukay ho jiski maang to buht hai par ab wo mamoli damo bika yuhi bazaron main bika nhe karta
Syeda hina zaidi