قربانی

Apni aziz cheez ko smbhal kr rakhnay ka hunur to sabko ata hai us say mohabbat karna daikh bhaal karna sab ko ata hai par ussay dusro ki khushi ki khatir Qurban kardaina kisi kisi ko  ata hai   zindagi main bht say aisy morr atay hain jab insan ko apni sab sy khubsurat dil aziz cheez ki qurbani daina parti hai par har kisi main itni himmta itni taqqat nhe hoti kay wo qurban karday har kisi main itni salahiyat nhe hoti k wo zindagi bhar chahany wali cheez ko qurban krdain.. Allah nay jab Hazrat Ibrahim a.s say unkay beitay Hazrat Ismail a.s ki Qurbani Mangi to Hazrat Ibrahim a.s apny khoon apni olad ko Allah ki rah main Qurban karnay ko taiyar hogae aur ankhon par patti band kr Jab Hazrat ismail a.s par churri phirnay lagay Allah ko unki yah baat itni pasand ai kay Hazrat Ismail a.s ki jaga Dombah agaya Yah waqaiya itna khubsurat hai kay yah naa sirf humain har saal Sunnat e Ibrahimi ada  kar k uski yaad daiyta hai balkay yah hum main Qurbani ka jazba bhe paida karta hai kay hum kis kis tarah sy apni khuwaisht apni cheezo ki Qurbani day saktay hain humain aksar apni zindagi mai Qurbani dainay walay loug dekhai nh daytay kyun k unki pardah poshi hoti hai yah phir aksar Qurbani humri nazaro k samnay hoti hai par humain uska ehsas nhe hota Lakin ab Hum un Qurbani ka zikar kartay hain jo aam dino mai humaray lie humaray apnay daytay hain.  Hum un rishto ki baat kartay hain jo saara saal kahin naa kahin kisi naa kisi morr pr akar humray lie apni har cheez Qurban karny ko taiyar hujatay hain.  Uski shuruwat sab say  khubsurat aur afzal rishtay say kartay hain kehtay hain agr jannat dekhni ho to uskay Qadmon ko dekh lo Maa  yah wo rishta hai jiska ko naimulbadal nahe. Us jaisi mohabbat duniya k kisi konay mai dhoondny sy bhe nh milti "  ;Main tmhain satar maaon say ziada chahany wala hon "  Maa ki ahmiyat ka andaza is baat sy bhe kia jaskta hai k Allah nay kisi bhe rishtay ki mohabbat ka zikar nhe sirf Maa ki mohabbat ko mukhatib kia jab yah Maa Qurbani dainay par ati hai to duniya kay saray rishto ki Qurbani usk agay pheenki par jati hai Bacho ki khuwaishat k agay apni khuwaisht  Qurban kardayti hai ek waqt khud bhooki so jati hai par apny bacho ko bhooka nhe sonay dayti Beiti ki shadi ho to apna zeewar bech dayti hai mgr usy khali hath janay nh dayti koi dard koi takleef koi mushkil hu to uska zikar kisi sy nhe karti khud hi jhalti rehti hai par bachay ko takleef ho to Maa kahin kahin raaton ko jag kar uski dekh bhaal karti hai wahin dusri taraf maa borhi hujai to bachay usy old home bejh dain tab bhe unhe lambi umer ki duai dayti hai par thakti nhe lakin ek waqt zarore ata hai jab thaak kr mout ki aghosh mai humesha k lie so jati hai sari zindagi Qurbani daytay daytay Khud Qurban hojati hai. Par uski qurbani har kisi ko yaad nh rehti
Baap yah wo rishta hai jo ek bar khud achay kapray nhe pehanta pr apni olad ko achay kapro main dekhna pasand karta hai. Khud sari umer do kurta shalwar aur patti hui jeans mai guzar dayta hai par apni olad kay pattay hui jootay isko raat ki nend sukoon sy sonay nhe daytay buson main dhaaka khaata baap ek bar khud shehar shehar nhe ghoomta pr apni olad ko achi taleem  aur nokari k liya dusray mulk janay k lie paisa jama karta khud dhoop mai paidal safar karlaiyta hai par apni olad k lie saaya ban jata hai par olaad kabhi kabhi is baap ki qadaroqeemat ka andaza he nh laga pati wo uski chappi hui qurbani ko dekh he nh paati woh baap ko aksar noton( paisa) ki machine smjhti hai is haqiqat sy bekhabar kay usnay apni kahin khuwaishat ko apni olad ki khuwaishat pr qurban kardia.
Beiti jo rehmat hai jo ghr ki ronaq kehlati hai maabaap k ghr mai iska basera kuch saalon ka he hota hai phir churiya ki tarah urh kar apna ashina sunsaan kr k chali jati hai yah beiti rehmat to hoti hai par iski izzat ghr ki izzat keh lati hai isk sar par chadar ghr ki chatt kehlati hai yah beiti aksar apny maabaap ki khuwaisht par khud ko qurban kardyti hai jiska pata  sirf usay khud hi hota hai koi iski qurbani ko smjh nahi sakta yah kbhi apni pasand mohabbat ko maabaap ki pasand par qurban kardyti hai to kbhi

Susral main dard jhelti rehti hai pr mau sy awaz tak nhe nikalti khamoshi sy takleef pareshani jhelti rehti hai lakin maabaap sy shikwa nh karti k kahin unhe takleef naa pouchnay.
Beita jisy naimat kehtay hain jo wo ghr aur baap ka sahara banay dusray mulk chala jata hai. Pardais main tanha zindgi guzarta hai maa k hath ka khana khanay wala zindagi ki sakhtiyon sy khud khana banana seekh jata hai behan ko bat bat pr chirnay wala doston k sath dair tak bahar rehnay pr baap ki dant khanay wala beita bhai tanhai main saray tehwaar guzarta hai
Har insan apni apni jaga koi na koi Qurbani dayta hai chahay wo choti ho yah bari par har kisi ki nazar us qurbani ko dekh nahe sakti kabi dost kisi dost k lie qurbani dayta hai to koi bhai apni behan k lie to kabhi behan apnay chotay behan bhaiyon k lie.
Hum agr rishton k elawa un jazbat un cheezon ki baat ki jai to insan mai paae jati hain jinka wajood nazar nhe ata jinka naam to hai par wo dekhai nhe daytin wo sirf ehsas kay jazbay sy mehsos ki jati hain jinhe hum aksar Qurban karna apni toheen smjhtay hai  aana nafrat bughz hasad jalan gussa yah wo ehsasat hai jinhe hum aksar apny dil o dimgh mai paal kr rakhtay hain aur unki Qurbani daina apni toheen smjhtay hain lakin agr inki Qurbani naa di jai to yah insan ko kbhi chain sy jeenay nhe daytay aur usy tanha kardaytay hain Qurbani Sirf un cheezon ki nhe di jati jo sirf duniya ko dekhai day Qurbani un cheezon ki bhe di jati hai jo sirf khud Insan aur Allah ko malom hu. Allah ki rah main un tamam khuwaisht ko Qurban kardaina jo Insan aur usk Rab k beech main rukawat ho woh Qurbani insan k Nafs ki hoti hai jo aksar insan qabo nhe kar pata .sabsy bara jihad apny Nafs say karnay ko kaha gaya hai jab insan  apny Nafs ko Qabo main rakhna seekh jata hai burai aur un buri cheezon gunnaho say khud ko durr rakhna ki kohsish karnay lagta hai jisy Allah napasand karta hai to wo Allah k nazdeek sabsy bara jihad kehlata hai.  Insan smjhta hai wo Qubani to day raha hai pr usy kuch hasil nhe ho raha agr is baat ko dekhna ho k kuch hasil ho raha hai yah nahi to apny Dil main sukoon kay chirag par ek nazar daal kr dekh laina agr apny dil ko besukoon pao to smjh jana tmhray chiraag ki roshni kamzor par rahi hai jiski waja chiraag mai dalay jana wala wo tail(oil) hai jo theek nahi wo tail darasaal tmhra emaan hai agr tmhra emaan kamzor hoga to tmhe kbhi sukoon hasil nhe hoskta lakin tmhri rooh mai bechaini naa pai jai tmhry dil ko yah itminan ho k tmnay jo bhe kia apny Rab k lie apny garz mtlb k lie nahi to tm apny chiraag ki roshni ko buland aur taiz paao gaye jo tmhray dil ko humesha roshan rakhaygi aur dusro k bhe andheray main kàm aigi aur unhe munawar karegi.. Allah talah kisi ki Qurbani ko zaya nhe janay dayta par neeyat achi aur saaf hona chahye bilkul jaisay Hazrat Ibrahim a.s ka apny beitay Hazrat Ismail a.s ki  qurbani ki neeyat ka sila dia waisy he Allah har us shakhs ko uski Qurbani ka sila dayta hai jo usnay Rehman ki khushi aur Rehman k bando k lie di.