gehri raat.

Yah adhi raat main wohe loug apk khayal main atay hain jinsy ap bht mohabbat kertay ho yah phir bht nafrat. Yah raat aksar humain un dino ki yaad dila kar rula dyti hai jinhe hum bhul jana chahtay ho  , yah phir hansa dyti hain jinhe hum bar bar jeena chahaty ho.. yah andheri gehri raat insan main us gehrai say utarti hai k ussy wo gehri khubsurat baatain ya phr woh gehri chubti hui talkh yaadon ki yaad dilati hain jinhe woh phir kbhi yaad nhe karna chahata. Yah gehri raaatain mjhy qalam uthanay pr majbor krdyti hai un logo k lie jo dil mai aisy rehty ho jaisy unhonay dil par ek zameen khareedi ho aur us pr wo naa apna ghr banatay ho naa he kisi aur ko rehnay dyty ho. Yah gehri raat mje un logo k lie likhnay pr majboor krdyti hai jinhe mera dil itni shiddat sy chahata ho k har pal unhe dekhna aur suna chahta ho.. yah gehri raat mje samandar ki us gehrai pr lay kr jaa ruk dyti hai jahan sy doobna mumkin to ho par doob nah sakti ho.. ya gehri raat mje us chand ki roshni jaisi lagti hai jo sitaron k hajoom main tanha ho, uska koi sathi nhe ho par uski gehri roshni sab pr bhari ho.. ya gehri raat mje un logo k lie likhny pr majboor krdyti hai jo Maabaap k pyar ko tarastay hu.. jinhe duniya ki baatain raat ko sonay naa dyti ho.. jo mau chupa kr karwat kr k rotay ho.. ya gehri raat mje un logo k lie likhnay pr majboor krdyti hai jo najanay kitnay gheray raaz dil mai chupai baitho ho par unhe sunay smjhnay wala koi nhe ho.. ya gheri raat mje un gehray ankhon k ird gird par halkon pr likhnay k lie majbor krdyti hai jo din bhar k mehnat k baad bhe kych hasil naa kr patay ho.. ya gehri raat mje us mazdoor k khali paith bacho k zameen pr soyee , bina kapro k gareeb k laalo k lie likhnay pr majboor krdti hai jisy puray din koi dehari naa mili ho.. ya gehri raat mra hath nh rukti.. bas chahti hai mai inko suny, khamoshi sy.. un cheekho ko suno jo sunai nh dyti.. un asno ko dekho jo girtay nh dekhtay.. un fareedo ko suno jinki awaaz nh hoti.. un bebas lacharo ki suno jinka koi nhe.. ya gehri raat mje sy bht gehri baatain likhwa dyti hai... jo mje smjh nh ati itni gehri baatain kaisy khud ba khud ajati hain..
Syeda hina zaidi